فى مطبخى

ازيكم يا للى منورين مدونتى
عاملين ايه
اخباركم ايه
انا انهارده دخلت المدونه وحبيت احط حاجه جديده
. كنت هحط حاجه من نفس اللى موجود بس بصراحه طالبة معايا انهارده نقدم كده كاام طريقه اكل كده من عمايلى الخاصه اللى طبعا هتاكلوا صوابعكوا وراها
ها ايه رئيكوا يلا بينا ندخل المطبخ ونشوف هنعمل ايه انهارده

اول حاجه هنعملها انهارده
مكرونه ايطالى

المكونات
نص كيلو فلفل الوان (احمر -اصفر- اخضر
نص كيلو مكرونه على شكل قواقع
4 ثمرات كوسه
4ثمرات جزر
2 بصله كبيره الحجم
جبنه مونزريلا
توابل
4ثمرات طماطم مقطعه مكعبات


الطريقه
اول حاجه هنسلق المكرونه فى مياه ونحط على المياه ملح وشويه زيت
وبعدين نقطع الفلفل الالوان والكوسه والجزر والبصل تقطيع فى حجم عود الكبريت
وبعدين نضع التوابل على الخضار المقطع وندخله الفرن
وبعدين نطلع المكرونه لانها كده خلاص نضجت ونضعها داخل طبق التقديم
ونضع عليها الخضار المشوى وكمان الطماطم المقطعه مكعبات
وبعدين نضع التوابل وشويه اعشاب خضراء ونعناع اذا امكن
وفى الاخر خااالص هنحط كمان شويه جبنة مونزريلااا على طبق المكرونه
لان الجبنه هتدى المكرونه طعم تحفة لما تسيح عليها
وبكده نبقى خلصنا المكرونه الايطالى
وبالف هنا

تحياااتى





تانى حاجه هنعملها انهارده مع بعض

صنيه خضراوات باللحمه

المقادير
نصف كيلو لحمه - فلفل الوان - 1 بطاطس - 2 كوسه - ابصله - 2 طماطم

الطريقه
اولا نقطع البصل ونضعه فى الزيت ثم نضع اللحمه المقطعه مكعبات
وتقلب جيدا ثم نضع البطاطس عليها
وبعدين الفلفل الالوان والكوسه ثم الطماطم والاخر خالص التوابل
وتترك لكى تنضج



وبالهناء والشفاء

تحييياااتى



وكمان هنعمل مع بعض

محشى بطاطس باللحمه المفرومة

محشى البطاطس باللحمه المفرومه


المقادير
كيلو من البطاطس المتوسطه الحجم ياليت تكون مستطيله شوى
نصف كيلو لحم مفروم
2 بصله مفرومه
2 فص ثوم
2 ملعقه صلصه طماطم
حبتين طماطم مقطعه مكعبات صغيره
ملح فلفل اسود بهارات شطه

الطريقه

نبدء بتقشير البطاطس وحفرها بحيت نترك الجوانب بسمك 2 سم ثم نقلى البطاطس فى زيت حتى يصير لونها ذهبى فاتح يعنى ما نتركها تستوى بس تدبل من الزيت ونضعها على فوط مطبخ
فى اناء اخر نضع البصل المفروم يتشوح ونجركه حتى يصبح شفاف (الى تحب تضيف ملعقتين زيت براحتها ) اناافضل الطبخ بدون دهون لات اللحم فيه ما يكفى من الدهون
ثم نضيف الثوم المفروم وبعده اللحم ونحرك مع اضافه البهارات والفلفل والملح
نغطى اللحم حتى يتشرب من السؤائل الى يفرزه اللحم
ثم اضيف اليه مكعبات الطماطم مع الصلصه والشطه ونتركها تستوى 10 دقايق حتى تجف كل السوائل من اللحمه

بعدها نحشى حبات البطاطس بخليط اللحم المفروم
ونتركها جانبا
فى صنيه الفرن نضع ملعقتين زيت + بصله جوانج تتشوح ثم نضيف اليها قلب البطاطس تتقلب شوى ثم نضع لها الملح ونرص فوقها حبات البطاطس المحشيه وندخلها ربع ساعه الفرن وتقدم مع رز ابيض

وبالهنا والشفا
تحييياتى



وطبعا لازم نحلى
وعلشان كده

هنعملكم بسكويت القرفه بالسكر البودرة

المقادير:

- 200 جرام زبده غيرمملحه
- كوب سكر بودره
- ملعقه بشر برتقاله
- بيضه
- قليل من الفانيلا
- كوبان وربع الكوب دقيق منخول
- ملعقه ونصف بيكنج باودر
- ملعقتان صغيرتان قرفه
- كوب لوز مطحون
- سكر بودره للتجميل



الطريقة:

- نخفق الزبده والسكر وبشرالبرتقال والبيض والفانيلا حتى يصير الخليط خفيفا مثل الكريمه.
- ثم نضيف الدقيق والقرفه واللوز تدريجيا مع التقليب بملعقه خشب حتى تتكون عجينه سهلة التشكيل
- ثم نشكل على هيئة اهله (هلال) ثم نضعها في الفرن متوسط الحراره
- وبعد ما تبرد نرش عليها سكر وبعد نصف ساعه نرش ايضا سكر عليها
: ملاحظة
- اللوز ينقع في ماء حار اولا ثم يسهل ازالة القشر ويجفف ثم يطحن
- اذا اردتي العجينه خفبفه الاكل وتذوب في الحلق لا تضعي بيضه اختياري
واستخدام السمنه بدل الزبده
كما يمكنك أستبدال اللوز بالجوز


تحيييااااتى
يارب يكون اللى عملتمه ليكم يعجبكم